مروة أحمد تكتب: انا والحياه

هبتدي باانا .انا دي معناها اسمي اي؟ ؟وساكنه فين؟؟ وسني كذا،ولا انا الي الناس قالت عليها شاطره ولا انا الي الناس قالت عليها مش شاطره في حاجه .
*في حياه الناجحين لا يوجد فشل ولكن يوجد تحدي *
التحديات والمواقف الصعبه هي الي بتدينا الخبره
انا دي ازاي تبقي حكيمه ازاي تبقي عندها خبره🙂

1/اقرا الرساله !! يعني اي ؟؟ يعني هشوف ربنا عايز يوصلني اي كل موقف بيواجهنا بيعلمنا حاجه وبيضيف حاجه جديده في رصيد خبرتنا .

2/انا مسؤوله ! يعني اي ؟ انا مسؤوله عن حياتي 100% بكل الي بيحصلي وكل الي بفكر فيه ،مهما علقنا شمعات علي الآخرين ،طبعا في اقدار واقدار الله نافذه زي موت حد عزيز أو مرض أو حادث .انا بتكلم عن الفكر والاراء في ناس بتأثر في حياتنا اكيد اه .بس الي اي مدي دي بترجع للشخص نفسه .احباطات الأشخاص
*مكانك حيث اقمت نفسك لا حيث أقامت الناس فالناس لا تعدل ولا تزن *الرافعي *

3/اعرف دورك اي ! ربنا مدي كل واحد فينا قدرات غير التاني وفي حاجات بيحس بسعاده وسرعه وهو بيعملها .وفي حاجات تانيه لا .
“حتي اضحم الحيتان في الماء لا تستطيع العيش في الصحراء ”
فتش عن ميولك هواياتك واهتم بيها الرسم ،الكتابه ،البلاغه ،الرياضه ،الالقاء ،……

4/انت نفسك ،فاكرين اغنيه مكي متحاولش تبقي حد تاني غير نفسك بالظبط كده ،شوف شغفك وانت عايز اي ،في ناس بتقول اعرف شغفي ازاي بالتجربة بتجرب وتحاول وتنجح في حاجات وتخفق في حاجات بس اكيد مع المحاولات هتلاقي الي بتحبه وتبدع فيه .

5/الحياه اهداف!! . الحياه اجوان لازم تلعب وتجيب اجوان
لو فضلت قاعد مش بتلعب مش هتحقق حاجه ،في الماتشات اللعيبه بتتدرب شهور وسنين علشان يجيبوا جون وهكذا الحياه .حاطط اهداف وبتوصلها وليك رؤيه ،الرؤيه هي مجموعه اهداف ،فيه اهداف يوميه وأهداف اسبوعيه ،لازم كل يوم يكون في اضافه جديده ،مش امبارح زي النهارده زي بكرا.
6/غير العالم !! سيب بصمه!!

كلمه كبيره او آخرها نسمعها في كارتون🤔
ايده هغير العالم زي افلام ديزني واحارب الاشرار وابقي الرجل الخارق والبطله الخارقه واحارب الاشرار وانقذ العالم .اكيد في اختلاف بين الواقع وافلام الديني ،
بس الي أقصده اني انا بقدراتي وظروفي وفكري ربنا مديني قدرات اقدر استغلها وافرق في حياه الناس ،ممكن افرق في حياه الأطفال بالابتسامه باللعب معاهم ،اكون فرقت في حياه غيري بنصيحه ،باايه قرأنيه ،بالطف في المعامله ،خليت يوم حد افضل ،نشر علم .

محدش اتخلق كده وخلاص ،كل حد في الحياه جواه حاجه مختلفه وبتميزه عن غيره دورا علي الي بيميزكوا وسيبوا بصمه

😃قال تعالي
*وان ليس للإنسان الاوماسعي وان سعيه سوف يجري ثم يجزاه الجزاء الاوفي *
صدق الله العظيم

خلي انا عايشه الحياه ،عايشه اللحظه الي هي فيها مش تايهه ،خليها لتنجح وتعافر وتتعلم من اخطاءها وتتعلم حاجه جديده تصفها ليها وللمجتمع ،الحياه كبيره ولازم يكون ليك فيها دور .