«منيو كورونا»

دخل «ميشو» إلى أحد المطاعم منتصف يونيو ليتناول وجبة الغداء، وطلب من الجرسون منيو المطعم..
– طلبات حضرتك إيه؟
= هشوف بس المنيو الأول
– اتفضل يا افندم

(منيو كورونا)
– وجبة كورونا الأندية الرياضية ومراكز الشباب (90%) مخاطر.
– وجبة فتح قاعات الأفراح (98%) تجاوزات.
– كومبو المقاهي والكافيهات (144%) إصابات.
– وجبة هابي ميل لملاهي الأطفال (77%) كوراث.
– شوب كورونا مجانًا (لطلاب الثانوية العامة فقط).
– عشاق التجمعات -العزومات والحدائق- (يُضاف 10 إصابات لكل طلب).
– مارجريتا حجم وسط (لا يُسمح باصطحاب الكمامة والقفازات).
– مشكل فيروسات (كورونا + كوفيد 19 + كورونا المستجد).
– كورونا فياجرا (يُفضل للمتزوجين أو للراغبين في الانفصال).
– كورونا سوشيال ميديا (للمرتبطين فقط والفاضيين فقط).
– كورونا توك شو (يُمنع طلبه لمن هم أكثر من 50 عامًا علشان ارتفاع درجة الحرارة).

» السلطات (بلازما المتعافين.. وهي غير متوفرة الآن).
» كل إصابة تشمل ضريبة القيمة المُضافة 14% كحول مُركز.

– حضرتك هتاخد إيه؟
= هو المنيو ده مفيش أي أوردارات غيره؟
– زي إيه يا افندم؟
= اطلبلي الإسعاف أو 105 بسرعة.. وبعدها هات ورقة وقلم أكتب الوصية.