«اللمبي وبوحة وكتكوت بيشطبوا جمهورية كورونا»

بعد الاتفاق بين «نقاش المرحلة» اللمبي، وبتاع «الجيبسون بورد» بوحة، على تقفيل «جمهورية كورونا» سوبر لوكس، اتخانق معاهم «الكهربائي» كتكوت، وهددهم بفصل الاسبوتات عن الجمهورية كلها..

اللمبي: مع السلاموا عليكوا.. يالا يا اسطوات معندناش وقت وصاحب الجمهورية عاوز يستلمها ع المفتاح سنة 2021 على تسعة ستة بالليل كده.

بوحة: صبح صبح يا عم لمبي.. متقلقش لسه معانا وقت وهنطلع بأقل الأشياء.. هو أنا كاويركي.

كتكوت: شُفت دي وشُفت دي.. وأنا بركب الاسبوتات يا حاج كامل.

اللمبي: إيه الراجل ده.. شكلي هغزه.. يا عم من غير اسبوتات كده كده الكورونا ملعلعة وواخدة ماركة مسجلة على مستوى العتبة عابدين الديزة.

كتكوت: علىّ الطلاج أنت مجنون.. حد يصدق الكورونا برضه.

بوحة: كده أنت قطعتلي الكمامة في الكمين.

اللمبي: أنا هتصل على عم بخ اسأله على كحول.. الإزازة خلصت.

كتكوت: ياريت ويفجش عليه بيضتين.. بيضتين بتوع دجاجة.

بوحة: احنا ناقصين لبخة في الكلام.. ده عاوز يدخل الحجر الصحي ويجيلنا.

اللمبي: إزيك يا عم بخ.. هو أبوك مات من الكورونا إزاى؟

بخ: مات كده.. ده اتخطف يا لمبي.

اللمبي: الراجل ده هيخليني أعيط.

كتكوت: والله قاعدتك غَم يا غريب.

بوحة: ما تخلص يا عم لأندهلك المعلم فرج.

اللمبي: مبتهددش.. وممكن أجيبلك أمي فرنسا تبهدلك.

بوحة: بلاش كلام نسوان وويك ويك.. وأرزعانا وتوزيعة وليلة كبيرة أوي ساعتك.

كتكوت: بهااااااء.

اللمبي: بت يا نوسة اعمللنا ٣ شاي والبسي الجوانتي.. واغسلي الكوبيات بالمسحوقة.

نوسة: حاضر يا سي لمبي.

اللمبي: مؤدبة أوي البت دي.

بوحة: بت يا كُتة.

كُتة: نعم

بوحة: لأ بجرب الاسم بس.

كتكوت: والله أندهلكم الكبيرة جاتها خابط.

اللمبي: خلينا في الشغل بقى يا رجالة.. بعد ما نقفل جمهورية #كورونا دي هنسلم مين المفتاح؟

بوحة: علل.. هل صاحب الجمهورية دي عنده كورونا.. افطن؟

المعلم فرج: غبي.. غبي.

كتكوت: يا ترى وأنا برد الجميل هيدوني فلوس؟

اللمبي: أنا هقبض وأروح أأجر عجل في شرم.

بوحة: فالنتينو.

كتكوت: برضه مقولتلناش مين صاحب جمهورية كورونا؟

اللمبي: أهو جه أهو.

رياض المنفلوطي: أنا شايف خِلق جديدة وتفاؤل بخرق الحظر.. انسوا

أحب أعرفكم بنفسي: أنا رياض المنفلوطي.. أصغر صاحب جمهورية جه في زمن كورونا.. تلتزم بالتعليمات وتقعد في البيت يا سلام تبقى حبيبي وصاحبي وكفاءة.. تروح المصايف والمولات وتقبل التجمعات والعزومات وتستهبل.. أعصرك وأنزل منك كمامات وإشاعات صغيرة.. هاتولي الفيروس ده.

كورونا: الحقوني.. صباعي جوه الباب.. صباعي في الباب.