جي بي أوتو… هيونداي.. أمس واليوم وغداً..أهلا ومرحباً بيكم في مؤتمرنا الصحفي
كتب / عاطف طلب
يسعدني النهاردة اني اكلمكوا عن النجاحات والخطوات الهامة اللي حققناها في 2020 و اللي كان فيها إنجازات كتير زي مكان فيه تحديات كتير ورغم كدة قدرت جي بي اوتو تحافظ علي مكانتها في السوق المصري لشركة رائدة في سوق السيارات.
هكلمكوا النهاردة كمان عن الخطط التوسعية لهيونداي في مصر خلال الفترة الجاية.
أولا …. اسمحولي أقول إن 2020، كان بالفعل عام التحديات ..و خصوصا بالظروف الصعبة اللي عاشها العالم بسبب انتشار فيروس كورونا COVID 19 والاثار السلبية اللي اترتبت علية في كل المجالات تقريبا مش بس مجال السيارات.
هيونداي قدرت تحتل الصدارة في السوق المصري لمدة 14 سنة متتالية، من 2005 الى 2018 وبعنا أكثر من 545 الف سيارة هيونداي في الفترة دي. 2019 توقف انتاج الفيرنا ومعظم الموديلات الاخرى كانت في اخرعمرها مما ترتب علية خسارة الصدارة في هذه السنة، ولكن قدرة جي بي اوتو وهيونداي تحقيق الصدارة والريادة في السوق المصري مره أخرى سنة 2020 بعد طرح أكسنت RB المجمعة محلياً، النترا CN7 الجديدة كلياً، الجيل الثاني من كريتا SUV الجديدة كلياً، والنسخة المٌحسنة من أكسنت HCi وحققنا مبيعات بأكثر من 19,500 سيارة. ودة في حد ذاتة يعتبر نجاحاً استثنائياً في ظل الظروف اللي عايشنها.
الوصول للقمة والريادة كان نتيجة ثبات وجهد مستمر وتفاني لاستمرار مسيرة دعم لعملائنا ودراسة الفجوات الموجودة في السوق واختيارات الموديلات المناسبة لتلبية احتياجات العملاء بمختلف متطلبتها.
بالحديث عن السيارات المجمعة محلياً، نجحت هيونداي بدعم وكيلها القوي جي بي أوتو في السوق المصري بتقديم RB -المجمعة محلياً – للسوق المصري واللي لاقت إقبال جماهيري كبير وشعبية واسعة لإمكانياتها وسعرها المناسب والعربية دي بديلة لفيرنا وهتاخد نفس مكانها في السوق.. والهدف الرئيسي من تجميعها محلياً في مصانع جي بي أوتو هوتلبية احتياجات العملاء وتكون بسعر مناسب وفي متناول الجميع.
بدأنا السنة دي 2021 بأمل وحماسة أكبر بعد انجازاتنا المشرفة في عام التحديات، ونجحنا في طرح أحدث طرازات هيونداي 2021 وهي السيارة اللي انتظرها السوق المصري، الجيل الرابع من توسان NX4.. الحقيقة ان تم اختيار كل تفاصيل التوسان الجديدة بعناية فائقة، بدايةً من وسائل الأمان الأساسية، الى وسائل الأمان الجديدة تماماً على فئة التوسان، الى وسائل تكنولوجيا والترفية والراحة في كل الفئات. اهتمامنا بعملائنا، عملاء هيونداي في مصر هو الدافع الأساسي لاختيار كل هذه التفاصيل بعناية استثنائية.
تقدم هيونداي توسان في مصر بموتور جديد Smart Stream بقوة 180 حصان ودة الاقوي من نوعة في الفئة دي وكمان الجيل الجديد من ناقل الحركة DCT بسبع سرعات، طبعا دة غير مواصفات الامان اللي متوفرة من أول الفئة لحد أعلى فئة زي 6 airbags, ABS, EBD, ESP, HAC, DBC، كمان في مجموعة إضافية موجودة في أعلي فئة من التوسان Smart Sense Safety Features”” تتمثل في: تحذير من الاصطدام من الامام Front Collission Warning، تحذير عند الخروج من المسارLane Departure Warning ، المحافظة على القيادة في المسارLane Follow Assist ، نظام تحذير النقطة العمياء رؤية النقطة العمياء في الشاشة الاماميةBlind Spot Detection & Monitor View ، تحذير عند الخروج من السيارةSmart Exit Warning ، تحذير عن رجوع السيارة من الاجسام المتحركةRear Cross Traffic Alert . ودي تعتبر مواصفات جديدة على الفئة السعرية دي وطبعا كل دة بجانب التصميم الخارجي الجذاب اللي بيعكس فلسفة هيونداي الجديدة.
وان شاء الله الفترة القادمة هنفاجئ السوق المصري وعملائنا بموديلات جديدة ستخطف الأنظار!
راحة وخدمة العميل وارضائهم هي الأولوية لجي بي اوتو، بسنعى لذلك من خلال طرق مختلفة ومن ضمنها توافر مراكز خدمة في جميع انحاء جمهورية مصر العربية، لأن استراتيجيتنا هي “الأقرب إلى العميل” عشان نوصل بخدماتنا للعميل في اقرب نقطة لية ودايما بنكون حريصين اننا نسمع العميل ويوصلنا صوته من خلال تجربته في مركز الخدمة من اول دخولة من باب المركز ومقابلتة لممثل المبيعات ومسؤل الصيانة لحد الإدارة العليا ولو في أي طلب بيوصلنا بنذاكره و نرد علي العميل في اقرب وقت ممكن عشان نوفر لة أفضل تجربة ونحقق هدفنا الرئيسي اللي هو إرضاء عملائنا…
والنهاردة.. يسعدني إني أتكلم عن افتتاح أحدث صالات عرض هيونداي فرع سوديك بمدينة 6 أكتوبر.. مساحة و تصميم الفرع هيسمح بعرض 12 عربية وهيساعدنا نقدم خدماتنا للعملاء بشكل افضل. اخترنا المكان ده بالذات لوجوده بالقرب من قاعدة كبيرة من عملائنا عشان نسهل عليهم ونبقى قريبين منهم. والفرع الجديد بيواكب فلسفة هيونداي الجديدة اللي هدفها انها تتعدي دور صانع سيارات فقط، وتقدر تكون الصديق الدائم للعملاء.
وأخيراً سعدت جدا النهاردة بحضوركم جميعاً ومشاركتكم لينا خلال عرض النجاحات والخطط المستقبلية لجي بي أوتو وهيونداي.. اللي حقيقي بتعتبر نقلة نوعية في سوق السيارات المصري.
وشكراً لكم وإلى لقاء قريب.
