متعوضش

أيوه بقولها بأعلي الصوت
شفت معايا الحلو دا كله
أيوه حقيقي أنا متعوضش
واما تشوفه يا قلبي تقول له
عمري ما ح اقبل تاني الغش

بعد ما قلبي قدرت تذله
عشت معايا بألفين وش
بحسب راجل عشت ف ضله
بس كفاية تخون وتغش
والكداب الله يسهل له

شوف أنا ياما صبرت عليك
بس خلاص الوقت أهو فات
نقطة ف أول سطر افهمها
كل ماضيك الإسود مات
ليه خليتني كرهت الدنيا
بتهيألي حاجات وحاجات
ابعد عني ربي يسامحك

عِشت معاك في دموع وآهات
واستحملت سنين وسنين
كنت بداري كتير على قلبي
كل مشاعري دموع وأنين
وانت يا ظالم تنكر حبي
بتموتني بظلمك ليا
واتعلمت إزاي أنساك
كل عذابك أثر فيا

مات في القلب يا قاسي هواك
نكتب آخر السطر ونبعد
عمر الحب ما يرجع تاني
أنا والله حاولت كتير
وانت بقيت مغرور وأناني
مهما فرشت القلب حرير
ابعد عني ياريت تنساني