خاااطف

خاطف روحى من قلبى
وناصب فخ لمشاعرى
مقصقص كل أوراقي
ومستحوز علي شعري
مساحاتى خلاص فرغت
وسطر الشوق بقي آسي
ومستمتع بشد الخيط
وعاشق ليه لأناتي
وحاسس إنى بقاومك
ومستنفذ لى أوقاتى
وإحساسي بيستسلم
علي أبواب معاناتى
وجعنى الشوق ومتحمل
وقاصد ليه مساراتى
بتستهدف نقاط ضعفي
وتعزف فوق شعاعاتى
بتستخدم سلاح ممنوع
ملخبط بيه معدلاتى
وبتدقدق علي المدفون
بقاله سنين في غاباتى
وغايتك أيه من اللى أنا فيه
مبوظ ليه حساباتى
خاطفنى ليه لبحر الشوق
مسيطر كل أوقاتى
وأنا المسجون بقي لى سنين
مابين ماضي وبين آتي .. …
سلوي العيني