المهندس إيهاب الزنيني صاحب ومدير شركة العربيه للتجاره والصناعه..في حوار مفتوح عن أهمية القطاع الخاص

حوار / سلمي القاضي

*ماذا احل بالشباب وهل تقاعدهم علي المقاهي بسبب عدم توافر فرص عمل في القطاعات الخاصه او عجز القطاع الخاص عن سد احتياجتهم ام ان الأمر متعلق بعدم رغبه الشباب في العمل به أو عجزهم علي تحقيق طموحاتهم ؟!

_ هو سؤال جميل اوي ، ولكن هو مش بيعقدوا علي القهوه ولا عندهم عجز ولا القطاع الخاص مش بيوفرلهم فرص كتير زي ما احنا بنسمع لكن فيه في بلدنا حاجه اسمها البطاله وحاجه اسمها العطاله لازم نفرق بينهم كويس اوى ولكن مش هتلاقي في مصر بطاله ، في فرص كتير اوى بس بسبب العطاله ، يعني ايه عطاله؟!

_ يعني دماغه واقفه هو اللي مش عايز يشتغل بحجه ان الفرصه مش مناسبه ، يعني هتلاقي اللي درس تجاره عايز يشتغل محاسب واللي درس حقوق عايز يبقي قاضي ، واللي درس آداب لغه عربيه عايز يبقي مدرس ، اما ف الحقيقه هو مش عايز اي حاجه من الحاجات دي هو لو فكر شويه هيلاقي انه عايز بيزنس ، ونسأل نفسنا سؤال هي الدنيا ماشيه عدل ولا ماشيه بالمشقلب..

طب لو ماشيه عدل رقم واحد اعرف الهدف بتاعك ، رقم اتنين بتمشي ف اتجاه تحقيق الهدف ده، معظم الشباب بتفكر بالعكس هو عايز يطلع وخلاص لأي شغلانه بس هنسال الشاب ده اللي مقبل علي وظيفه انت عايز ايه بالظبط ؟!
_ ايه احلامك؟!

_ ايه الفرصه اللي نفسك تحققها ؟!
– عايز تبقي موظف وخلاص والساعه ٢ وتروح تشوف المدام والاسره وتمشي علي قد المصروف او المرتب بتاعك وتعقد تندب طول حياتك وتعذب نفسك ، ولا عايز يبقي ليك دخل كبير وعندك شركه او مصنع او مدير شركه علي الاقل او مدير مصنع وهنا بيختلف الأمر لو عايز بيزنس لازم تروح تشتغل في شركه فيها سيلس او في البيع او ف التجاره ومن هنا بيخلق لنفسه مكانه كبيره ف الشركه وكل ما يكبر البزنس بتاعه او الوظيفه بتاعته او يبقا موظف كفئ كل ما مرتبه بيزيد ودماغه كمان بتزيد وكل الأفكار بتاعته بتتحقق بس لو اختار المكان الصح..

يوجد شركات كتير جدا بتدور علي فرص عمل والمفاجاه بقا ان عندنا في السوق المصرى في عمل كتير جدا جدا ولكن الشاب عايز يفسر وظيفه علي مقاسه وبينسي حاجه مهمه اوي وهي الاجتهاد ، لو اجتهد حبتين ورسم لنفسه الطريق للهدف بتاعه هيلاقي كل اللي هو عايزه وزياده بس يبطل شعارات بس ويبدء..

*ماهي النصائح التي تقدمها للشباب ؟!
_ في نصائح كتيره جدا ، اول حاجه اوي تخرج من البيت لو نت مش عارف هتعمل ايه ، اعرف هتعمل ايه وهتلاقي كل الفرص اللي نت عايزها.

_ اقرأ ارجوك اقرأ احنا أمة اقرأ، الغرب تقدم عننا عشان بيقرأ، أمة اقرأ مبتقرأش !!
الغرب متقدم وكل الدول المتقدمه تقدمت بالعلم والعلم ده جه من الكتب ، عرفوا من قراءة الكتب وبيطبقوا ، منعملش زي الناس الجهله اللي بيقلدوا الغرب في الموضه ، انما لو قلدنا الغرب في الاجتهاد والطموحات والشغل هنوصل ، معظم الشباب برا لا يمكن انهم ياخدو فلوس من آبائهم بعد ١٨ سنه وتحديدا من اولي كليه، بيشتغلوا ف بنزينه وفي سوبر ماركت ومستشفيات وعمال وفي اعمال مهنيه
( عماره_ سباكهحداده نجاره) مش هتلاقي الشباب هناك بيقولوا عيب ولاء هتلاقيهم بيجتهدوا جدا لذلك دايما وهم صغيرين بيعملوا بيزنس حلو في بدايه حياتهم ، انما هنا الولد او البنت يقولك هشتغل سواق تاكس او نقاش او سباك !!

*ايه عايز تقعد علي مكتب؟!
_ ايوه يافندم كل الفرص دي جميله جدا في بداية حياتك ، فلو الشباب فكر بالطريقه دي ويعرف ايه هدفه ويخرج من بيته ويتحرر شويه من العقده، يعني اول حاجه يحدد هدفه وبعدين يشوف هيوصله ازاى ، مثلا عايز ابقي مستشار كبير وانا خريج حقوق من اولي كليه ادرب في مكتب محاماه وبعد متخلص الكليه اوعدك هيبقا عندك مكتب محاماه كبير، عايز تبقي محاسب وبتدرس تجاره ادرب في الاربع سنين في مكتب محاسبه، عايز تبقي بيزنس او رجل اعمال روح اي شركه واشتغل فيها sells بعد ٤ سنين هيكون عندك خبره كافيه بعد الكليه تفتح اكبر شركه وهكذا..