«طقاطيق الجداوي»

 (1)

طقت فـ بالي أفكر وأنتج دورت على سبوبة أو مُنتِج لقيت الشللية سايدة الموقف.. والمُبدع بيبقى فـ نظرهم فِستِك 

(2)

الناس بقالهم كام يوم متغيرين لا متقولش يا عم ده من سنين زمن بوجي وطمطم زي كورونا.. بس الناس من الصدمة موهومين 

(3)

اتلخبطت فـ الحسبة قبل الأوان وبعيد النسبة لقيتها بتنجان شخللت ياما علشان أعدي.. وقعت فـ المحظور وكان اللي كان 

(4)

اتغدا وقعد قوام قدام التليفزيون زهق من العربي القديم والكرتون قال يحول على قناة رياضية.. لقى الكورة طلعت بره الجون

(5)

أ ب ت ث وباقي الحروف بيستهجي من صغره كل الظروف ولما وصل للجملة المفيدة.. اترمى هو وطموحه فوق الرفوف

(6)

أنا مش يآس ولا مكار ومش كرعون ولا بكار أنا متابع حلقات النينجا.. وبحب حياة توم والفار