فكر وأتغير

كتير منا مش عاجبه حياته!
كتير بنقول لا ده مش انا!!
أنا اعرف اكون احسن!!
انا مش وحش!
انا مش فاشل!
وكتيييييير من اللوم للنفس….
قليل اوى إلى بيتغيروا ويوصلوا لحياه افضل طب ازاى نجحوا؟؟
ليه انا مبتغيرش وبفضل فى مكانى!؟
ده الى هندور جوانا عليه ونعرفوا:
اولا :عشان نتغير لازم نبقي مقتنعين بالتغير ده من جوانا؟جوانا يعنى لينا مش عشان نعجب أو نرضي حد!!! عاوزين التغير ده عشان حبينه أو هو الأفضل لينا….
ثانيا: مناخدش القرار مرة واحدة يعني بلاش قرارات بعد الساعه 12ص دى عشان بتودينا كلنا في داهيه!!! عشان ناخد قرار صح ييقي بهدوء وبعد فصل الواقع بظروفه بمشاكله يعنى مش بعد مشكلة أو نقاش مع حد ولا فى وقت الفراغ ولا واحنا مبسوطين ولا واحنا زعلانين….
طب وثالثا: مافيش حد بيتغير بين يوم وليله يعني مش سحر هو هنام نصحى تلاقى نفسنا اتغيرنا !!!!
الصح اننا نكون عارفين ان دى مراحل وكل مرحلة ليها صعوباتها وانتقاداتها وهنقابل إلى عاجبه تغيرنا ومتقبلنا وهنقابل الى شايف أن التغيرات البسيطة دى تفاهة وملهاش معنى وهنقابل اللى شايف أن تغيرنا ده مش صح (طبعا من وجهه نظره!)
طبعا الصح اننا نكمل طريقنا عادى لاننا مقررين أنه الصح وعارفين مخوفانا من التغير ده وهنحلها ازاى؟عيوب التغير وخساير التغير ده ايه؟ ومين؟؟؟
التجاهل للمحبطين إلى مش بيعجبهم حاجة ودايما منتقضين ده الى هيدينا القوة والدفعة اننا نكمل طريقنا.
واكيد ردود أفعال المحبطين صعب تتشابه لان كل واحد هيتكلم من منظوره..
وزى ما فى محبطين اكيد هتلاقى مشجعين معجبين بتغيرك وهتلاقى متفرجين ومتابعين فى صمت عاوزين يشوفوا هتوصل لفين هتنجح فيقربوا ليك؟ ولا هتقع ويفرحوا فيك؟
فى الآخر دى حياتك انت يعنى كل خطوة فيها قرارك أنت اللى هتعيش مرة واحدة بس وكل لحظة بتعدى منها مبتتكررش يعنى اعمل الى يبسطك ومتنساش فى الزحمة تلاقى إللى يخلى ربنا راضى عليك وأعرف أن النجاح قرار والفشل استسلام.
محدش بياخد كل حاجه هما 24 قيراط متقسمين كل واحد واخد نصيبه فى حاجة. افرح بأى إنجاز حتى لو كان صغير
حب نفسك بعيوبها قبل مميزاتها تقبلك لنفسك هيكون اهم خطوه انك تتغير وتصدق في نفسك……