«أسانسير كورونا»

بقلم / محمد الجداوي

تعطل مصعد «عمارة كورونا» بمجموعة من الأشخاص الذين لا يعرفون بعضهم البعض.. وهنا ظهرت فجأة ملامح الذُعر لعدم ارتداء شخص معهم «الكمامة» ويبدو عليه ملامح التوتر.. ولكنه عندما -عطس- انتحر المنطق داخل الأسانسير..

 

«هند رستم»: أوف.. إيه اللي انت عملته ده يبني آدم؟ الله يخربيتك.
«عبد السلام النابلسي»: ده شيء لا يُطاق على الصبح.. دي مهزلة.
«عبد المنعم إبراهيم»: انت عطست في وسطنا.. أممم انت عبقري.
«محمود المليجي»: إيه العبقرية في كده يا مُغفل.. ده انتحار جماعي.. ورانا مشغوليات بيوتنا هتتخرب.
«نعيمة وصفي»: حرام عليك أنا على وش ولادة.. والجنين هيتعدي.

«قدرية قدري»: مكنش لازم أنزل من بيتنا النهاردة وأمشي ورا الواد بتاع تيك توك.. أنا غلطانة.
«سعيد أبو بكر»: ربنا يتوب علينا وعليكِ.. اعمليلي ADD.
«عبد الغني النجدي»: وا وا وا.. كده البيتزا اتلوثت.. وصاحب الأوردر هيرفضه وهيضيع عليّ البقشيش.
«عبد المنعم مدبولي»: معاك فكة 250 جنيه يا حضرة من فضلك.. ولا أخبط منك المحفظة ونخلص.

«شفيق نور الدين»: يا عالم مراتي هتولد خلاص.. وانتوا واقفين تتساهروا.. لازم مُطهرات وكحول وجلوفز بسرعة.
«ثريا فخري»: يا جماعة ده تهريج.. الراجل جوز بنتي الشايب العايب رايح يتجوز على بنتي علشان مفيش فرح ولا مهر ولا شبكة في زمن #كورونا.. لازم امنع المصيبة دي أو يشوفلي عريس.

«زيزي مصطفى»: حرام عليكم احنا لازم نطلع من هنا.. خطيبي هينتحر لو ملبستوش الكمامة بإيدي قبل ما يروح لمامته.. لازم نتصل به.. حد معاه 015؟
«أحمد لوكسر»: دي مش انفلونزا يا بني آدم انت وهو.. افهموها بقى دي كورونا كورونا.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى