«احنا آسفين يا كورونا»

رفع «أبناء كورونا» لافتة مثيرة للجدل في أحد شوارع الكوكب، وتداولها نشطاء مواقع التواصل الاجتماعي خلال الساعات القليلة الماضية، وتزامن ذلك مع «صخب المواطنين الشرفاء» و«غضب المواطن الواعي» بسبب اللافتة المكتوب عليها: «احنا آسفين يا كورونا».. وجاءت ردودهم كالآتي:

» #كورونا ده مؤامرة ماسونية عالمية مهلبية.
» كورونا شفاف وبيتشاف ومش فيروس.
» الأسواق مفهاش كورونا على فكرة.
» كورونا ميقدرش يهوب ناحية شارعنا ده احنا نثبته.
» احنا بنلبس نص كمامة وبنغسل ايدينا بالمية والصابون 18 ثانية.. بنعذب الفيروس.

» أنا بشرب ينسون وسوايل كتير ولو جالي هنزله يحمض في المعدة زي ما قال الدكتور.
» كورونا ده أصلاً عميل وبيقبض من قناة انتيكا.
» كورونا بيجي في الحظر بس واللي يقولك غير كده قوله اثبتلي كفاية هبد.
» تعرف إن كورونا ده اشتغالة وأصلاً ده دور برد بس عاوز تشرب ليمون كتير.
» شُفت يا صاحبي كورونا طلع إخوان مش قُلتلك.
» بيقولك: كورونا استقال من منظمة الصحة العالمية وقدم على شغل في منظمة تانية.

» ألف سلامة عليكِ يا فنانة قطعتي قلبي.. والدكاترة مفترض يشوفوا شغلهم صح.
» كورونا حَرمنا من خناقات كهربا وطارق حامد.. وبلانا ببرامج الرياضيين الفاضيين.
» يا إما كورونا يا إما بلاش.. فيروس غيره ميلزمناش.