حزلقوم لأيمن ابن أحلام كراوية: يعني إيه ترند؟

بقلم / محمد حسين الجداوي

ظل حزلقوم متعلق بأفكار جاره أيمن ابن أحلام كراوية، ولم يُدرك يومًا أن أيمن نفسه لا يعلم شيئًا عن الواقع الذي نعيش فيه، وذات يوم التقى حزلقوم بابن أحلام كراوية، ليتساءل: يعني إيه تريند؟

حزلقوم: صباح الفل البنفسجي عليك يا أيمن يا عسلية
أيمن: حبيبي يا حزلقوم يا غالي
حزلقوم: إيه يا عم الغيبة دي مشفتكش من ساعتين
أيمن: معلش كنت قاعد بتابع ترند النهاردة
حزلقوم: هو مش الترند ده بيتلبس؟
أيمن: هههه يا عم لأ دي حاجة على النت
حزلقوم: بتتباع يعني.. فهمني يا عم الكامبيوتر
أيمن: يا حزلقوم بالبلدي كده يعني أشهر حاجة حصلت النهاردة في مصر
حزلقوم: الله.. يا صلاة العيد
حزلقوم: طب ما تدخلني على النت عشان اتشهر يا عم ويارب أمك تحج
أيمن: عندك حساب على السوشيال ميديا؟
حزلقوم: يا عم هو أنا لاقي أكل عشان افتح حساب في النت
أيمن: حزلقوم هات الموبايل اللي معاك ده وأنا هتصرف
حزلقوم: بقولك إيه يا ابن والدي اوعى دماغك توديك إنك هتقلبني في العدة دي
أم حزلقوم: مش قلتلك يبني بلاش ابن أحلام كراوية ده
حزلقوم: يوو يا اما بكفاية تنغيص بقى لحسن اتصل بالأستاذ معتز الدمرداش
أيمن: عيب ده احنا جيران وحبايب يا حزلقوم متقولش كده
حزلقوم: أنا بقلش عليك يا أيمون انت حبيبي
أيمن: ماشي يا نجم.. وأديني عملتلك حساب على فيسبوك ويوتيوب وتويتر
حزلقوم: لأ يا عم أنا عاوز حقي ناشف
سراج مهمة: هو حساب واحد بس ومفيش حساب زيادة هيطلع من خزنة الوزارة
حزلقوم: إيه يا عم انت طلعتلي منين مش خلصنا المهمة وقبضنا على الراجل
سراج مهمة: ياض انت تافه
جيرمين: بليز متغلطش فيه يا أستاذ سراج ده خطيبي
حزلقوم: جدعة يا جيرمين ده العشم برضك
أيمن: شوف يا حزلقوم انت هتدخل تهبد بأي حاجة على الحسابات دي وبعدين أي حد هيلاقيها هيشيرها وبعدين هتلاقي نفسك مشهور بس حاول تكون تافه تافه جدًا على قد ما تقدر
حزلقوم: أنا أصلاً مولود تافه وهايف وعلى الهامش
أيمن: حلو جدًا كده هتضرب في الترند وهتعلى مع الناس ويمكن تعمل قناة ليك في يوتيوب تكسب منها ملايين ومش هنعرف نتكلم معاك يا عم بعد كده
سراج مهمة: هما كام ألف ملطوش بس ومفيش مليم زيادة هيخرج بره خزنة مارك زوكربيرج
حزلقوم: يا عم المافيا استنى لما اتشهر الأول ده طلع الترند سهل أهو
الراجل النينجا: أين أشيائي؟

مقالات ذات صلة

زر الذهاب إلى الأعلى