رفيع بيه العزايزي يقنع حبيشة «مينتحرش»

في عمارة 7 بوسط القاهرة يسكن رفيع بيه العزايزي والمعلم حبيشة، وذات يوم علم رفيه بيه أن حبيشة يمر بحالة نفسية سيئة للغاية، وأنه يُفكر في الانتحار، فقرر رفيع أن يواجهه ليُنهي هذا الصراع النفسي، ويمحيه من أجندة الجيران بصُحبة وهبي السوالمي.

رفيع: كيف أحوالك يا حبيشة؟

حبيشة: اللي أبوه صعيدي ميخافش.. تحية من الصعايدة لرفيع بيه.

رفيع: مالك اليومين دول مش عاجبني أحوالك.

حبيشة: اللي مع صعيدي يتورط يبقى فى عمره بيفرط.. وزي ما أم حبيشة قالت: الساعة ساعة حق.. أنا محدش يقدر يزعلني واصل يا كابير.

رفيع: يبني الدنيا مش كلها بتتاخد بالدراع لازم نستخدم عقلنا شوية.

عم كامل: متفحرش ع المشكلة يا حبيشة لسه الدنيا مهديتش.. كمل يا رفيع بيه.

حبيشة: بص يا عم كامل ابن عمي زين الجناوي خلصنا من شر مسعد هتلر وراح فطيس.. أنا نفسيتي تعبانة من شر البشر والجو العام مبقاش بيطمن.

وهبي السوالمي: والله ما أنا خابر اللي فى راسك ده عقل ولا فردة بُلغة جديمة.. يبني اسمع رفيع بيه الأول واقفل خشمك.. كل الشباب مُحبط ومتضايق لكنه بيعافر وبيكمل بلاش يأس اُومال.

حبيشة: عداكم العيب يا رجالة.. كلي أذان صايغة.. لكن أنا عارف الإحباط اللي عندي ملوش حل ونفسي ألقى حاجة تفرحني والفيسبوك كلهدفتر عزاء وحالات انتحار.

رفيع: عايزين نصلح علاقتنا بالواقع ونغير من نفسنا.. نتعايش مع أصلنا ونتصالح ع أحوالنا وحياتنا يا حبيشة ده مفتاح الأمل.. قوم بقى شيل البوستات اللي انت حاطهها على الفيس دي بلاش خيابة.

حبيشة: يا ابن عمي أنا ميهمنيش نظرة الناس وأصدقاء الفيسبوك ليّ.. أنا يهمني إني أفضل فى نظرهم واحد بيخوفهم وخلاص.. واللي له حق يجي ياخده.. ولا إيه يا عم كامل!

رفيع: وريني هتعملها كيف لسه متخلقش اللي يهدد صفحة فيها رفيع العزايزي صديق مشترك.

أم رفيع: يا ولدي انت وهو كفاية عاد إحمد ربك إن اللي واقف قدامك ده رفيع العزايزي ووهبي السوالمي ولسه ضايفينك عندهم على الواتس والفيس.

رفيع: دي تمثيلية يا اما.. أنا بفكرك بوصية المرحوم أبوك العزوة والتاريخ.. والعزوة مش بالسلاح والانتقام والضغينة.. العزوة بحب الناس ولمتهم حواليك، كفاياك سلبية بقى وتفكير في الانتحار والكلام الفاضي ده.

حبيشة: هي الدنيا كرهاني ليه يا اما هو أنا وحش.. تعبت أوي يا اما.

أم حبيشة: استغفر ربك يا ولدي.. إحمد ربنا واشكره إنه بعتلك واحد زي رفيع بيه يفوقك.

حبيشة: حقك عليّ يا كبير أنا هنزل بوست دلوقت.. وهكتب إني اتراجعت عن فكرة الانتحار دي نهاي وهعتذرلهم.

وهبي السوالمي: وبالمناسبة دي أنا هبعت أجيب رئيسة تفرفشنا شوية.. واعيلي يا مرعي.

الحارس مرعي: مخبرش يا سي وهبي.. عمومًا أمر جنابك ههه.

وهبي السوالمي: ضحكك ماسخ.

رفيع: وأنا هبعت لعم غزال وفرحة عشان يشاركونا الفرحة الحلوة دي.